निस्सिम, आकाशकाे #स्वतन्त्रता र #वर्ल्डकप #प्रतियाेगिता
भाग २ : #निस्सिम, #आकाशकाे #स्वतन्त्रता र #वर्ल्डकप #प्रतियाेगिता
लेखक: #प्रकाश #निस्सिम #थापा
निस्सिमकाे नाम पनि नेपालमै एकप्रकारले नाैलाे नै छ। नेपालमा मुश्किलले एक दुई जनाले मात्र याे नाम राखेका हाेलान् ।
निस्समकाे नेपाली भाषाकाे शाब्दिक अर्थ चाहिँ धेरै, प्रशस्त भन्ने हाे । भारतमा पनि एकजना प्रसिद्द लेखक छन् निस्सिम इजकियल भन्ने । शुरुमा २०५१ सालतिर पाेखरामा एम ए अंग्रेजी साहित्य पढ्ने बेलामा मैले निस्सिम इजकियलका केही कविताहरु र लेखहरु पढिसकेपछि नै मलाई याे नाम प्रति एकखालकाे आकर्षण रहिरहेकाे थियाे र निस्सिम जन्मेपछि उसलाई यही नाम दिने निर्णय गरेँ , तथापि यस नाम भन्दा अगाडि उसलाई अक्षाँश नामले पनि बाेलाउने चाहिँ गरिन्थ्याे । त्यसै कारणले पनि निस्सिमले आफ्नाे इमेल मा अझैपनि axamxa1@gmail.com राखिरहेकाे छ, भने उसकाे एप्पल आइडि पनि यही नै छ ।
जब निस्सिमले तत्कालीन समयकाे एसएलसी परीक्षा सकायाे, तब परीक्षाकाे अन्तिम दिनमा मैले उसलाई महेन्द्रपुल स्थित पाेखरा म्युजिक हाउसमा गएर इलेक्ट्रिक गिटार र साउन्डबक्स किनिदिएँ । त्यसदिन ऊ अत्यधिक खुशी भएकाे थियाे ।
त्यसपछि उसलाई सँगीतकाे आधिकारिक ज्ञान सिकाउने उदेश्यले महेन्द्रपुलस्थित केलिडाेस्काेप म्युजिकमा गिटार क्लास सिक्न पठाएँ । यद्यपि केलिडाेस्काेप साँगितिक समूह तीन महिनापछि पुनः काठमान्डु नै फर्कने भएकाेले निस्सिमकाे साँगितिक कक्षा राेकिन पुग्याे । केलिडाेस्काेपकाे सिकाई धेरै स्तरीय थियाे भन्ने कुरा निस्सिमले थाेरै समयमा गरेकाे अप्रत्यासित सफलताबाट सहजै अनुमान गर्न सकिन्थ्याे ।
पछि निस्सिम र उसका साथीहरु मिलेर एउटा म्युजिकल ब्यान्ड पनि खाेलेका थिए र उनीहरुले रेडियाे अन्नपूर्णबाट अन्तर्वार्ता समेत दिएका थिए भने उनीहरुकाे ब्यान्डकाे नाम "बम्ब ड्रपर" थियाे र याे नाम निस्सिमले नै सुझाएकाे थियाे ।
त्यस्तै सन् २०११ काे मे महिनामा तत्कालीन रिड मन्टेश्वरी स्कुल स्थापनाकाे उद्घाटनकाे शुरुकाे दिनमा निस्सिमले ट्रयासी च्च्यापम्यानकाे गीत टकिङ अबाउट रेभाेल्युसन गाएकाे थियाे । उसले याे गीत निकै राम्राेसँग गाएकाे हुनाले उसलाई मैले माछापुच्छ्रे एफएममा मैले चलाउने गरेकाे पाेजिटिभ भाइब्रेसन कार्यक्रममा पनि याे गीत पुन: गाउन लगाएकाे थिएँ । त्यस्तै मुक्तिनाथ दर्शन गरेर दिदीहरुपाेखरा आउनुहुँदा नारायण गाेपालकाे केही मीठाे बात गर गीत पनि हामी सबै मिलेर गाएका थियाैँ ।
त्यसैगरी निस्सिमले अकस्टिक गिटारमा गाएकाे दामियाँ राइसकाे क्याननबल नामकाे अंग्रेजी गीत मैले सुनेका उसका गीतहरु मध्यकै सबैभन्दा राम्राे गीत हाे भन्ने मेराे ठम्याइ छ । याे गीत मैले निस्सिम थापा फाउन्डेसनकाे टिकटकमा र फेसबुक पेजहरुमा पनि राखिसकेकाे छु । क्याननबल समेत हामीसँग निस्सिमले गाएका छ वटा गीतहरु मात्र उपलक्ध छन् जसमध्ये चारवटा अंग्रेजी र २ वटा चाहिँ नेपाली गीतहरु रहेका छन् ।
निस्सिमले मन पराउने गायकहरुमध्ये ट्रेसी च्यापम्यान पनि एक हाे । उसले ट्रेसीकाे फास्ट कार, बेबी क्यान आइ हाेल्ड यु टुनाइट, टकिङ अबाउट रेभाेल्युसनहरु जस्ता प्रख्यात गीतहरु गाएकाे छ । उसले अरु पनि अंग्रेजी गीतहरु गाएकाे भए तापनि हामीसँग तिनका रेकर्डहरु भने उपलब्ध छैनन् ।
निस्सिमले प्राय: प्याराग्लाइडिङका वर्ल्ड टप पाइलटहरुका फ्लाइटहरु हेरिरहन्थ्याे । उसले सपनाहरु बुनिरहेकाे थिया कि, " म पनि कुनै दिन वर्ल्डकपमा सहभागी हुनेछु र नेपालकाे नामलाई विश्वमाझ चिनाउनेछु । " उसले नेपाल लगायत चाइना, मंगाेलिया, इन्डाेनेसिया, दक्षिण काेरिया , इन्डिया आदि देशहरुमा प्रि वर्ल्डकप तथा एशियनकपहरुमा नेपालकाे तर्फबाट सहभागिता जनाइसकेकाे छ भने निस्सिम सहितकाे नेपाली टिम दक्षिणकाेरिया काे गाेचाङमा सम्पन्न प्रि वर्ल्डकपमा द्वितीय भएकाे थियाे।
क्रमश ….
Comments
Post a Comment