लाङटाङदेखि लन्डनसम्म
लाङटाङदेखि लन्डनसम्म
Author: Prakash Thapa
www.prakashthapa-author.com
र हाम्रा यात्राका हरेक सुरुवातहरु र तिनका अन्त्यहरु एक अन्त्यहीन क्रममा परिणत भइरहेका छन् , जुन निरन्तर चलिरहेका छन् , र जस्ताे कि हरेक सुरुवातहरु अन्त्य जस्तै र हरेक अन्त्यहरु सुरुवात जस्तै , अनि साँच्चै यी जटिल जीवन समीकरणहरु आफैँमा नितान्त पृथक छन् , आफैँमा रहस्यमय छन् । अनि जुन समय पाइरहेका वस्तुहरु , आत्मसात गरिरहेका वस्तुहरु क्रमश: मेटिइरहेका जस्ता लाग्छन् , अनि कतिपय अवस्थामा हराइरहेका जस्ता वस्तुहरु प्रकट भइरहेजस्ता देखिन्छन् ।
अनि,समयका अन्तरालहरु माझ यी प्रश्नहरु अरु जटिल बनिरहेका छन् , तर हामी जीवनका स-साना सीमाहरुमा सीमित छाैँ र एक अर्थमा अनिश्चितताका जीवनहरु बाँचिरहेका छाैँ ।
र हामी साँच्चै नै जीवनका विसङ्गत सत्यहरु आत्मसात गरिरहन विवश छाैँ, र मानिसहरु साेधिरहन्छन् , पुन: जीवनका बारेमा, परिवर्तनशील सत्यका बारेमा , र जुन बेला हामी जीवनका यी रहस्यमय क्रसराेडहरुमाझ उभिइरहेका छाैँ, अनि हाम्रा गन्तव्यहरु , हाम्रा आधारहरु विशृङ्खल भइरहेका छन् र जहाँ सत्यहरु पनि परिवर्तन भइरहेका छन् ।
र साँच्चै नै अन्यमनस्क , यी समयहरुमा फेरि आफैँलाई साेधिरहेकाे छु कि के हाे जीवन बाँच्नुकाे सार्थकता? के हाे जीवन अन्तत:?अनि के हुन सक्छ जीवनकाे वास्तविक अर्थ? साेच्छु ,भाैतिक सुखभाेग एवम् प्राप्तिका लिप्साहरुभन्दा फरक जीवन भनेकाे मायामा, मानिसका मनहरुमा बाँचिने सत्यहरु हुन् ,र ती साँच्चै नै फूलहरुजस्तै सुन्दर छन् , यद्यपि म पुन:साेच्छु कि यी सत्यहरु पनि क्षणिक यथार्थहरु हुन्, किनकि यहाँ कुनै वस्तु छैन जाे,सधैँ प्रकट भइरहेकाे हाेस, जाे सधँ रहिरहाेस ।
Comments
Post a Comment